Ekta danskt smurbrauð

Af natni og stolti tengir Jómfrúin íslenskt gæðahráefni við aldargamlar hefðir svo úr verður einstök matarupplifun fyrir hennar gesti. Jómfrúin stendur teinrétt vörð um gæði og hefðir sem vert er að varðveita.

Jólamatseðill Bóka borð

;

Um Jómfrúna

Velkomin á Jómfrúna

Jómfrúin býður upp á mikið úrval af dönsku smurbrauði í bland við klassíska danska og skandinavíska aðalrétti. Hefð og handbragð danskrar matreiðslu ásamt áræðinni íslenskri nýjungasmíð er í öndvegi. Hefðin skiptir öllu máli, smurbrauð á að vera fallega skreytt, topphlaðið og matarmikið.

Jómfrúin hefur starfað óslitið í 25 ár og fastagestir hafa haldið tryggð við staðinn allan tímann sem segir meira en mörg orð. Dönsku áhrifin eru sterk enda er fátt danskara en smurbrauð.

Jómfrúin er staðsett í Lækjargötu 4, í hjarta miðborgarinnar. Að baki veitingastaðarins er skjólsælt torg þar sem gestir geta setið úti á góðviðrisdögum.

Velbekomme!

Hefðin skiptir öllu

Dönsku áhrifin eru sterk á Jómfrúnni

Það er fátt danskara en smurbrauð. Jómfrúin hefur vissa þolinmæði fyrir nýjungum en allt innan vissra marka, takk fyrir. Hefðin skiptir öllu, smurbrauð á að vera fallega skreytt, topphlaðið og matarmikið. Jómfrúin hefur einstakt lag á að tengja saman íslenskt gæðahráefni við dönsku hefðina og handbragðið sem tilheyrir smurbrauðskúnstinni.

SKOÐA MATSEÐIL

Buff-Tartar

Rúgbrauð með hráu úrvalsnautakjöti, piparrót, lauk, söxuðum rauðbeðum, kapers og hrárri eggjarauðu.

Rauðsprettan hans Jakobs

Rúgbrauð með steiktri rauðsprettu, remúlaði, laxarós með kavíar, rækjum og spergli.

Lúxusskinka – Rússnesk

Rúgbrauð með skinku, sterku rauðbeðusalati, eggjum og graslauk.

Grafinn lax og lárpera

Súrdeigsbrauð með rauðrófu- og ákavítisgröfnum laxi, lárperu og eggi.

Beikon með Camembert

Rúgbrauð með stökku beikoni, camembert,

tómat, papriku og rifsberjasultu.

Laxatartar

Ristað brauð með reyktum söxuðum laxi, hráum lauk, kapers, piparrót og hrárri eggjarauðu.

UMSAGNIR

Hvað segir fólkið um Jómfrúna?

“Frábær staður”

„Frábær stađur, alltaf gott ađ koma geggjađur matur og yndislegt starfsfólk“

Stefán Bjartur

“Uppáhalds veitingastaðurinn”

„Þessi staður er með frábærar veitingar og þjónustufólk. Uppáhalds veitingastaðurinn minn í Reykjavík.“

Jóhanna Fjóla

“Ljúfengasta smurbrauðið”

„Ljúffengasta og fallegasta smurbrauðið sem ég fengið og þjónustan er framúrskarandi. Jómfrúin stendur fyrir sínu og vel það.“

Sjöfn

„Snilldarstaður“

„Snilldarstaður. Gott að borða og frábært starsfólk.“

Vigfús

SJÁ ALLAR UMSAGNIR

SKRIFA UMSÖGN

Gjöf sem gleður

Gjafabréf

Það er erfitt að pakka inn aðventustund eða sumarjazzi á Jómfrúnni, en þú kemst ansi nálægt því með gjafabréfi frá okkur. Hafðu samband á jomfruin@jomfruin.is eða símleiðis og við ráðleggjum þér.

Panta Gjafabréf

Bókin okkar

Jómfrúin - Dönsk og dejlig í 25 ár

Fyrir jólin 2021 kom út bókin “Jómfrúin”. Í bókinni um Jómfrúna má finna uppskriftir að fjölmörgum réttum sem prýtt hafa matseðilinn í gegnum tíðina, sögu veitingastaðarins og vitnisburð fastakúnna sem allir kalla Jómfrúna sína enda eru veitingastaðir hvorki stærri né meiri en fólkið sem er þar innandyra.

Kaupa bókina

Nánari umfjöllun

EKKI MISSA AF

Stemningunni á Jómfrúnni

Það er mikið um að vera á Jómfrúnni, hvort sem það er sumar eða vetur. Fylgstu með til þess að missa ekki af viðburðum og ‘hyggelig’ stemningu.

Jómfrúar-jazzinn

Sumarjazzinn á Jómfrúnni er leikinn á Jómfrúartorginu á hverjum laugardegi yfir sumarið. Dagskráin verður auglýst þegar nær dregur en Jómfrúin lofar ljúfum tónum og notalegri stemningu.

SJÁ NÁNAR

Jól á Jómfrúnni

Aðventuheimsókn á Jómfrúna er löngu orðin hefð hjá mörgum. Jómfrúin leggur mikið upp úr jólamatseðlinum og býr til gómsæta jólaplatta sem passa fullkomlega með góðum snafs!

SJÁ NÁNAR

HVAR ERUM VIÐ?